18.12.07
18/12/07 பங்கு சந்தை முடிவில்
| இன்றைய பங்கு சந்தை மிகவும் மேடு பள்ளமாக இருந்தது. எதிர் பார்த்தது போல், காலையில் மேல் நோக்கி தன் வர்த்தகத்தை ஆரம்பித்த பங்குசந்தை, கிட்டத்தட்ட +80 புள்ளிகள் மேல் சென்றது. பின் சிறிது நேரம் கழித்து சென்செக்ஸ் அங்கிருந்து -180 புள்ளிகள் கீழே சென்றது. பின் சிறிது நேரம் கழித்து அங்கிருந்து +125 புள்ளிகள் வரை மேலே சென்றது. பின் கீழே, பின் மேலே என்று ஒரே மேடு பள்ளமாக வர்த்தகம் இருந்தது. எதிர்பார்த்தது போலவே பிற்பகல் 2.15 மணியில் இருந்து கொஞ்சம் கொஞ்சமாக selling pressure ஆரம்பம் ஆனது. ------- பங்கு சந்தை முடிவில் சென்செக்ஸ் 180 புள்ளிகள் கீழ் இறங்கியும், நிப்டி 34.70 புள்ளிகள் கீழ் இறங்கியும் தன் வர்த்தகத்தை முடித்து கொண்டன. ------ இன்று பங்குசந்தை ஆரம்பத்தில் இருந்து, சந்தை முடியும் வரை சில பங்குகளை வாங்கவும், நிலவரத்தையும் பதிந்தேன். அதை கவனித்து இருந்தால், நிச்சயம் லாபம் அடைந்து இருக்கலாம் என்று நினைக்கிறேன்.. பங்குசந்தை ஆரம்பத்தில் AirDeccan & Ansal Infra வாங்க சொல்லியிருந்தேன். பங்கு சந்தை ஆரம்பிக்கும் பொழுதே AirDeccan நேற்றைய விலையை விட ரூ3.65 கூடியே தனது வர்த்தகத்தை ஆரம்பித்தது.. கொஞ்சம் நேரம் கீழ் நோக்கி சென்றது. பின் அது விமானத்தில் பறப்பது போல் பறந்தது. இன்று மட்டும் அது ரூ31.80 கூடியது. அதிக பட்சமாக ரூ37/- வரை சென்றது. Ansal Infra - இன்று கீழ் முகமாகவே இருந்தது. அதே போல் நாகர்ஜூனா பெர்டிலைசர் வாங்கவும் சொல்லியிருந்தேன். அது, நேற்றைய விலையை விட ரூ3.35 குறைவாகவே வர்த்தகத்தை தொடங்கியது. நீண்ட நேரம் கீழ் முகமாகவே இருந்தது. மதியம் போல், அது மேல் நோக்கி செல்ல ஆரம்பித்தது. பங்கு சந்தை முடிவில் ரூ2.35 விலை கூடியது. அதிகமாக ரூ4.45/- வரை சென்றது. சில பங்குகளை வாங்கி வைக்கலாம் என சில பங்குகளை இன்று காலை இன்னொரு பதிவில் இட்டு இருந்தேன். அதில் TTML - ம் ஒன்று. விலை குறைவான பங்கு. அது இன்று காலை, தனது வர்த்தகத்தை நேற்றைய விலையை விட ரூ1.25/- அதிகமாக தொடங்கியது. அதுவும் முதலில் கீழே இறங்கி, பின் மெதுவாக மேலே செல்ல தொடங்கியது. சந்தை முடிவில் ரூ1.40 கூடியது. அதிகமாக ரூ2.15/- வரை கூடியது. பின் Spice Jet என்ற பங்கு வாங்க சொல்லி, அதன் BSE code - ம் தந்து இருந்தேன். நான் சொன்ன பிறகு அது ரூ4/- வரை ஏறியது. மிகவும் விலை குறைவான பங்குதான் அதுவும். WWIL - பங்கு மேலெ செல்வதும், கீழே செல்வதும்மாக இருந்ததே ஒழிய, + ve பக்கம் வரவே இல்லை. அது மேலே வந்தே தீரும். தகவல் உள்ளது. 3 மணி போல், ISPATIND - பங்கை குறைந்தளவில் வாங்குங்கள் என்று சொன்னேன். 3.15 மணி போல், 100 மீட்டர் ஓட்ட பந்தயம் ஓடுவது போல், ஓட ஆரம்பித்து ரூ7/- ஏறியது.. நாளை பங்கு சந்தை நன்றாக இருக்கலாம்.. நாளை காலையே அதை உறுதியாக சொல்ல முடியும். லாபம் அடைந்த நண்பர்களுக்கு என் வாழ்த்துக்கள். |
